Ամառային լողափն արդեն իրականություն է, իր գեղեցիկ լողավազանով, մանկան ճիչերով, ուրախությամբ, գույնզգույն սրբիչ-լողազգեստ-հողաթափիկներով լցրել են բակն ու շուրջը։ Լողափն իր գործունեությունը սկսեց հունիսմեկյան խինդ ու ծիծաղով, կոմիտասյան երգով նախակրթարանում Հակաբացիլ Կոմիտաս-մանուկատոն էր։ Սաները խմբասենյակ էին մտնում սպիտակ փուչիկներով և սպիտակ շապիկներով։ Բակում ընկեր Արմեմուհու հետ մեկնարկեցինք Հակաբացիլ Կոմիտասը` երգով , ասիկով։ Որից հետո ներքին բակում ընկեր Լիլիթը պատրաստեց քաղցրանուշ բամբակներ։ Օրը լիարժեք դարձավ երբ սաները իրենց թաթիկներով ներկեցին սպիտակ փուչիկները և իրենց շապիկներ։ Խաղաղություն խորհրդանշող սպիտակ փուչիկները ներկվեցին մանկան տրամադրությամբ` գունավոր և ուրախ։
Լողափը միշտ եռում է սաների խինդ ու ծիծաղով։ Անընդհատ նոր խաղեր և աշխատանքներ ենք իրականացնում։ Առավոտ շուտ, դեռ խումբ չմտած, հագնում ենք մեր լողազգեստները և անհամբեր սպասում լողին։
Պատրաստեցինք ինքնաշեն պղպջակ արձակող ձողիկներ։ Պղպջակներ ստանալու համար օգտագործեցինք հյութի համար նախատեսված գունավոր ձողիկներ։
Պատրաստեցինք մեծ զառ, որի վրա կար կարմիր շրջաններ։ Զառի օգնությամբ ենք կսովորենք հաշվել։
Հյուսիսի այգին հարուստ է պտղատու ծառերով՝ ծիրանենի, բալենի: Ամռան այս օրերին իսկական վայելք է անուշահամ ծիրանի համտեսը: Այսօր էլ պարտեզիկները դարձան ծիրանաթափի մասնակից, իսկ հետո վայելեցին այն:
Ծիրանածեսի շրջանակներում, պատրաստեցինք նաև համեղ ծիրանաչիր:
Անուշ Թորոսյան 