Ամենամյա մայիսյան 19-րդ ստեղծագսրծական հավաքին նախագծեր կազմելիս առաջնահերթություն են տալիս այն ուղղությունները, որոնք սաների կողմից սիրելի են, ուրախանում են առանձնակի, չէ՞ որ այստեղ հնարավորինս շատ իրենց կարողություններն են արտահայտում։ Նաև կարևոր է նշել, որ այդ նախագծերում նախակրթարանի ծրագրային կարևոր կետերն են, ինչպես օրինակ ինքնուրույնությունը, ինքնակազմակերպումը, ազատ ստեղծագործական միտքը, ճամփորդությունները , ծնողական ակտիվ ներգրավումը, մարզական կոփիչ խաղերը։ Մի քանի կարևոր նախագծեր , որոնք ամենակարևորը համարեցինք մայիսյան հավաքի շրջանակներում։
Շատ կարևոր է ազգային խաղերի, մշակույթի յուրացումը , պահպանումն ու փոխանցումը։ Մեր սաները շատ են սիրում ազգային խաղերը, քանի որ դրանք զվարճալի են ու հետաքրքիր։ Այսօր էլ մեզ հյուր եկավ փոքրիկ Աֆինայի մորաքույրը։ Նա ազգային խաղեր խաղաց մեր փոքրիկների հետ ։
Նանեի և Սամուէլի ծննդյան ծեսն էր։ Ծեսին մասնակցում էր նաև Նանեի մայրիկը։ Բոլորս միասին պատրաստեցինք գունավոր կեքսիկները, հետո մեզ միացավ մեր երգի ուսուցչուհի՝ ընկեր Արմենուհին, և միասին երգեցինք, գովեցինք մեր հրաշքներին։
Անչափ հետաքրքիր է դիտարկել մեր ինքնուրույնիկներին։ Խումբ են մտնում, ինքնուրույն հանում կոշիկները, լվացվում, սպասքադրում սեղանը, բացում անկողինը, շշմելու աատիճան հմուտ, հետն էլ սովորեցնում են ընկերներին։
Մայիսյան նախագծերի ամենաակտիվ մասնակիցն այս օրերին ծնողներն են։ Հեքիաթասաց պապիկը, Տիրայրի պապիկն է։ Նախորոք որոշեցինք Թումանյանի որևէ ստեղծագործություն ընտրել, բոլորը միաբերան խնդրեցին եկեք Սուտասանը կարդանք։
Կավագործունեությունը միշտ սիրելի գործունեություն է սաների համար։ Այս անգամ ընկեր Ալիսայի օգնությամբ աշխատում ենք չարխով։
Համբարձում է, գարու՜ ն է, ջան ծաղիկ, ջա՜ն, ջա՜ն։
Հյուսիսային դպրոցի 3-4-րդ դասարանների երաժշտասեր սովորողների նախագծային խումբը «Շրջիկ նվագարաններ» ծրագրով , շատ-շատ բազմազան երաժշտական գործիքներով այցելեց պարտեզիկներին:
Նախակրթարանում իրականանացրեցինք շապիկանկարչությունը։ Արդյունքում ստացանք շատ հավես և գեղեցիկ շապիկներ։
Մարզվեցինք մարզասրահում: Այնուհետև սաները ցուցադրեցին ինքնագլոր վարելու իրենց հմտությունները։
Այց ջերմոց-լաբորատորիա։ Տիկին Շողիկի հետ պայմանավորված ժամին ճամփա ընկանք, մեզ հետ վերցնելով գազար ու խնձոր, կանաչիներ։ Այն ամենը ինչը փոքրիկ կենդանիներն են սիրում։
Շաբաթօրյա առավոտը սաների համար սկսվեց դեպի Ագարակ տանող ճանապարհով։
Զրույցով, բարևով, խաղով հասանք ձիուկների մոտ։
Սաների օրը հետաքրքիր դարձնելու համար իրականացնում ենք տարբեր հետաքրքիր գործունեություններ։ Կատարեցինք մանիանկարչություն , որը և զարգացնող է և հետաքրքիր։
Անուշ Թորոսյան 